隨住FX頻道異形前傳劇集《Alien: Earth》將於今日夏季正式播出，官方日前就趁住4.26「異形日」率先公開兩條前導預告，讓一眾異形Fans先睹為快。

FX一口氣公開咗兩條前導預告，其中長達3分鐘嘅「Gestation Complete」講述了異形喺Weyland-Yutani太空船內育成及誕生嘅過程，而另一條預告「Crate」雖然只得30秒，但就揭示咗船內集結了從宇宙最黑暗角落所收集嘅5種致命生物，而且呢啲怪獸正乘坐太空船飛往地球！

《Alien: Earth》由《Legion（潛能異士）》製作人Noah Hawley操刀，故事發生在2120年地球，即《異形：聖約》之後、首集《異形》之前。劇情講述一艘神秘太空船墜落地球，一名年輕女子及一班「雜牌軍」從殘骸中發現了恐怖生物，佢哋所做嘅每一步都可能改變地球命運，為咗生存，佢哋必須同呢啲致命威脅正面交鋒。主演陣容包括Sydney Chandler、Alex Lawther、Timothy Olyphant、Essie Davis等等，預計今年夏季在Disney+播出。