隨住《魷魚遊戲》第三季將於下月底播出，Netflix今日率先發布前導預告，揭示「456號玩家」成奇勳將重返遊戲，面對更多殘酷挑戰。究竟佢可唔可以終結背後組織嘅惡行呢？

從預告可見，成奇勳反抗失敗後，被困喺一個綁有粉紅絲帶嘅黑色棺材，抬返參賽者休息區。然後畫面一轉，參賽者被帶到全新關卡，要喺一座巨型扭蛋機抽紅色或藍色球分隊對抗，有一幕仲見到悲情母子被分到對立陣營。而片尾更突然出現神祕嬰兒喊聲，莫非少女孕婦金純熙喺遊戲中誕下BB？6月27日正式揭曉！