迪士尼真人版《史迪仔（Lilo & Stitch）》在上周於全球各地陸續上映，開畫短短幾日已狂掃3.4億美元票房，除咗火速超越2002年原版動畫嘅2.7億總票房，仲係迪士尼真人版電影當中，開畫成續數一數二嘅作品。

據票房統計網站《Box Mojo Office》數據，真人版《史迪仔》在北美開畫首周4天(包括陣亡將士紀念日星期一)票房為1.83億美元，而海外市場票房則為1.587億美元，全球合共進帳高達3.417億美元。呢個成績唔單止係今年第二高嘅開畫票房，同時亦係咁多部迪士尼真人版電影當中，開畫成績第三高嘅作品，僅次於2019年嘅真獅版《獅子王》及2017年嘅真人版《美女與野獸》。

至於評價方面，電影目前在影評網站「爛番茄（Rotten Tomatoes）」分別獲得68%新鮮度或93%影迷評分。簡單嚟講，即係影評人覺得普普通通，但Fans就非常鍾意。據了解，真人版《史迪仔》製作成本為1億美元，宣傳費亦用咗1億美元，按照目前嘅走勢，連同後續周邊商品同玩具鎖售，迪士尼今次可以話係穩賺不賠。