隨住經典喪屍片《28 Days Later》最新續作《28 Years Later（28年後）》在全球各地陸續上映，首批評價亦隨之出爐！目前在爛番茄上獲得94％分超高新鮮度，成為全系列最高。

截至目前，《28 Years Later》在爛番茄（Rotten Tomatoes）上以95則專業影評獲得94％新鮮度，而觀眾評分方面則尚未公開，成績超越兩部前作《28 Days Later》（87％新鮮度）及《28 Weeks Later》（72％新鮮度），成為全系列中最高分嘅嘅一集，而在IMDb亦有7.4/10分。不過，呢個評分只係暫時性，隨住電影正式上映、更多評論發布，評分可能有所波動。

其中《Bloomberg》嘅Esther Zuckerman表示：「近年最奇特、最刺激嘅大片之一。真係一部好怪誕嘅藝術品，既怪誕又超級感人。」《Metro》嘅Tori Brazier is則指出：「史上最成功嘅系列重啟之一，超越咗類型片嘅界線。係一部極具震撼力又感人嘅電影，亦係第一部令我流淚嘅恐怖片。」而《ScreenRant》亦都同樣認為《28 Years Later》係一次「重啟」，並將當代恐怖片個種悲傷主題融入其中，彷彿係為咗迎合當代觀眾口味而度身訂造，而唔係滿足系列死忠Fans。而且同HBO《最後生還者》有某些相似之處，探索充滿病毒感染嘅世界同時，講述了一個感性同個人化嘅故事。

《28 Years Later》由首集編導班底Danny Boyle及Alex Garland回歸操刀，Jodie Comer、Aaron Johnson、Ralph Fiennes等人主演，故事講述喪屍病毒爆發近30年後，有一群倖存者聚居在一個小島上，透過一條戒備森嚴嘅道路與大陸相連。主角因為要執行任務而離開小島，途中意外發現外部世界嘅秘密同真相。

資料來源：Rotten Tomatoes、screenrant