Netflix人氣劇集《Stanger Thing（怪奇物語）》歷經9年終於迎來最終章，主角群將齊心合力，找出並殺死大魔王Vecna，究竟霍金斯小鎮能否回到昔日嘅平靜呢，今年11月正式揭曉。

《Stanger Thing》第5季兼最終季將承接上季劇情，講述大魔王Vecna令Max陷入昏迷，顛倒世界嘅入侵讓霍金斯小鎮滿目瘡痍。主角群團聚在一起，誓要搵出Vecna並將佢殺死，但Vecna自從受重創後就消失得無影無蹤。令事情雪上加霜嘅係，政府將整個霍金斯小鎮列為軍事禁區以追捕Eleven，迫使佢再次隱藏身份。隨住Vecna消失接近一年，一種熟悉嘅恐懼感捲土重來，今次主角群將面對比以往更強大、致命嘅黑暗力量，為咗徹底終結呢場惡夢，眾人必須齊心合力，背水一戰。

從最新預告可見，軍隊已經介入並封鎖霍金斯小鎮、Dustin在墓碑前悼念已故嘅Eddie、Max依然陷入昏迷。主角群眾志成城，決心要做最後一搏，其中Jim更向Eleven表示：「無論血流到哪裡...我要你奮鬥最後一次。孩子，我們做個了斷吧！」除此之外，今季新加盟嘅《The Terminator（未來戰士）》女星Linda Hamilton亦率先在片中亮相，不過唔清楚佢扮演咩角色，似乎係政府人員？

第五季將分拆成三部份播出，第一輯（4集）將於11月27日播出、第二輯（3集）於12月26日播出，而最後一集大結局則在2026年1月1日播出，每輯上架日期均為香港時間上午9點，各位影迷敬請留意。