{ SKIP }
文:MenClub 艾力克  
POSTED ON 07 Aug 2025

唔知大家仲記唔記得,Tom Holland喺2017年真人騷節目《Lip Sync Battle》男扮女裝,模仿Rihanna濕身勁跳《Umbrella》呢?佢最近就喺名廚Gordon Ramsay烹飪節目《Scrambled》,一邊整香辣炸雞三文治,一邊大爆當年表演嘅幕後花絮,話原本只係想輕鬆演出,點知愈玩愈大,連對魚網襪都係嫲嫲嘅。

《Lip Sync Battle》係一輯美國真人騷節目,每集會請嚟兩位明星對戰,佢哋要喺台上模仿流行歌曲表演,唔使真唱,只需要對嘴(lip-sync),再配合舞蹈同舞台效果,由觀眾同評判決定邊個贏。除咗Tom Holland同Zendaya,Anne Hathaway、Emily Blunt同Tom Cruise等明星都玩過。

Tom Holland日前就喺Gordon Ramsay烹飪節目《Scrambled》上,分享佢喺2017年同Zendaya對戰嘅幕後故事:「件事真係好有趣,當時我同Zendaya討論表演咩嗰陣,大家都約定輕輕鬆鬆(easy breezy)咁表演就算,唔會玩啲太瘋狂嘅嘢。」然而,呢個「輕輕鬆鬆」卻漸漸演奏成一場多層次嘅驚喜表演:「我同創意團隊討論時,佢哋提起《Umbrella》嘅想法,排練時亦變得愈來愈瘋狂,然後就加入雨機、假髮、快速換衫,仲著埋魚網襪。」當Gordon Ramsay問起對魚網襪係咪問媽媽借嗰陣,Tom Holland就笑住回答:「其實對魚網襪係我嫲嫲嘅。」

最後嘅表演係點大家都見到,Tom Holland首先身穿西裝,假扮係表演經典歌舞片《Singin' in the Rain》,然後突然畫風一轉,換上女裝濕身勁跳Rihanna名曲《Umbrella》,嚇到在場對手兼現時未婚妻Zendaya目定口呆、哭笑不得。

不過,Tom Holland提到當佢爸爸得知表演計劃後,曾勸佢再三諗清楚:「阿仔,我覺得呢個唔係好主意,你最好唔好做啦。」對此,Tom Holland就認為爸爸當時係擔心佢事業發展太快,怕太出名會影響佢童年生活,所以唔希望佢參與咁多非必要嘅電視節目。

資料來源:variety
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025