隨住HBO劇集版《哈利波特》正式開拍，官方今日喺社交媒體上貼出一張衛斯理家族自拍照，揭曉榮恩多位兄弟姊妹演員陣容！大家覺得呢個選角如何呢？

View this post on Instagram

A post shared by HBO Max (@hbomax)

在照片中，五位紅髮演員聚首一堂對住鏡頭微笑，由飾演榮恩·衛斯理嘅Arabella Stanton負責揸機，照片後方左側係鍾意惡作劇嘅雙胞胎兄弟弗雷·衛斯理（Tristan Harland 飾）同喬治·衛斯理（Gabriel Harland 飾），照片右側係派西·衛斯理（Ruari Spooner 飾），而相中嘅小女孩就係書中重要角色金妮·衛斯理（Gracie Cochrane 飾）。

Katherine Parkinson將飾演榮恩媽媽茉莉·衛斯理

到目前為止，衛斯理家族得返榮恩爸爸亞瑟·衛斯理、大哥比爾·衛斯理，以及二哥查理·衛斯理尚未公布選角，其中官方就喺照片簡介入面講笑咁話：「查理而家喺羅馬尼亞，不過佢好快就會加入㗎喇。」（在小說中，查理從霍格華茲畢業後就去咗羅馬尼亞研究龍。）

HBO劇集版《哈利波特》由《Succession（繼承之戰）》製作人Francesca Gardiner擔任節目統籌同監製，《The Menu（五腥級盛宴）》導演Mark Mylod會執導部份集數，而原作者J.K. Rowling亦會擔任監製。劇集將忠於原著，每季改編自原著小說一本書，目前第一季已經開拍，預計2027年正式播出。