遊戲顧問公司Sweet Baby Inc. 嘅CEO Kim Belair日前在Podcast節目承認，公司確實有「深入」參與《Marvel's Spider-Man 2》與《Alan Wake 2》遊戲製作。並對網上反對聲浪作出強硬回應，表示反抗覺醒嘅人就係抵制創新與進步，強調佢哋冇做錯任何事情，只係用心做好自己嘅工作。

多年嚟，Sweet Baby Inc. 一直堅稱自己係一間敘事顧問公司，主要為遊戲工作室提供「包容性敘事」建議。然而CEO Kim Belair最近喺Podcast節目所提到嘅內容，卻揭露咗公司嘅參與程度遠遠超出「顧問」嘅範圍。Kim Belair表示，Sweet Baby花咗大約3年時間參與《Marvel's Spider-Man 2》製作，主要負責Kraven同Harry Osborn嘅故事線，同時亦有參與《Alan Wake 2》嘅敘事節奏及人物塑造工作。反映出Sweet Baby參與程度已經涉及核心劇情同創意決策，同佢哋之前自稱「只提供顧問服務」嘅立場明顯有矛盾。

對於網上嘅反對聲浪，Kim Belair就表示評擊遊戲「覺醒」嘅人，其實係抨擊緊創新與進步。佢認為Sweet Baby嘅參與係為遊戲帶嚟正面貢獻，強調公司冇做錯任何事情，只係竭盡所能做好自己嘅工作。佢仲將遊戲開發過程形容為戰場，鼓勵開發者要為自己嘅「寶貝」（理念）而戰。言下之意，即係同遊戲整體故事或機制唔完全契合，都要堅持推動自己嘅想法。