東映全新特攝英雄系列「PROJECT R.E.D.」 首作《超宇宙刑事 Gavan Infinity》近日公開第一彈預告影片，除咗之前備受關注嘅紅色Gavan，金色及銀色Gavan亦率正式登場。

預告首次展示出紅、金、銀三款Gavan完整造型（雖然唔算好清楚），之前官方都只係放出啲手手腳腳嘅局部鏡頭，可見戰衣繼承咗1982年《宇宙刑事Gavan》嘅金屬視覺效果及科幻元素，並以更現代及時尚嘅風格重新演繹。據了解，呢段預告係係喺東映東京工作室嘅LED虛擬攝影棚，以最新拍攝技術完成。

除此之外，官方亦同步公開金色及銀色Gavan嘅角色視覺圖，其中銀色Gavan站在雨中並寫上「蒸着」，而金色Gavan就舉高雙臂朝天並寫上「超ギャバい」」。前者係82年版《宇宙刑事Gavan》主角變身時所講嘅經典台詞，但後者官方就大賣關子話遲啲透露，莫非都係變身時會講嘅台詞？下次情報將於12月25日公布，有興趣嘅朋友敬請留意。