繼真人版《史迪仔》大獲成功後，迪士尼繼續推動真人化改編計劃，最新一部作品《Moana（魔海奇緣）》日前公開全新預告，正式揭曉由The Rock飾演嘅「Maui（茂宜）」完整造型！

從預告可見，呢部真人版電影重現咗唔少2016年原版動畫嘅經典場景，包括Moana同Maui初次相遇、鍾意閃令令物件嘅巨型螃蟹「Tamatoa」，以及熔岩惡魔「Te Kā」等。而最搶眼嘅當然係The Rock飾演嘅Maui，除咗標誌性嘅爆肌身形同識郁嘅紋身，仲配上一頭飄逸長髮，忠實還原動畫設定。當年原版動畫全球票房高達6.43億美元，其後續集《Moana 2》更大收10.59億美元，唔知今次真人版又收唔收得呢？

真人版《魔海奇緣》由Thomas Kail執導，動畫版編劇Jared Bush、Dana Ledoux Miller擴寫劇本，故事講述在玻里尼西亞島嶼長大嘅酋長女兒Moana（Catherine Lagaʻaia 飾），為拯救族人，決定打破禁忌獨自出海冒險，其後更遇上半神半人的英雄Maui（Dwayne Johnson 飾），二人聯手對抗黑暗勢力。電影預計今年7月9日正式上映。