{ SKIP }
文:MenClub 魏文青  
POSTED ON 23 Sep 2015
OK,廢話唔多講,反正呢個就接琴日介紹過嘅「真田幸村皮褸」之後,又一件適合大家秋天著出街嘅毒物。就係由Cospa推出,來自高達作品《口袋裏的戰爭》中自護組織「獨眼巨人」嘅M51長身軍褸!


一向出開有水準ACG週邊衣物嘅Cospa都唔係第一次出有關高達作品嘅軍褸啦,上年都曾經出過件以「哈曼」為主題嘅黑色M51,不過就有大大個哈曼樣喺到,未必個個都夠膽著出街。今次就轉為卡其色,加上係模仿《口袋裏的戰爭》中「獨眼巨人(サイクロプス隊)」士兵會著嘅款式,所以成件嘢睇落好正常,最啱又要毒,又要毒得脫俗嘅你。

左上臂有「自護公國」嘅國旗。

前方左胸有「獨眼巨人」嘅標誌,仲有新兵「Bernie」、隊長「Stenier」、中尉「Misha」同軍曹「Garcia」四位主要角色嘅名字。

背部嘅大Print就只有「獨眼巨人」標誌。

件衫本身亦有唔少細節,例如帽同腰圍同衫尾都可以繩調較、肩章位同袖口鈕都有。簡單啲黎講就即係「堅可以著出街」架!


呢件嘢冇真田幸村件皮褸咁搶眼,價錢亦同樣地「宜人」得多,只係賣12000Yen (約$780HKD)。不過目前只係TGS現場先有得買,去唔到就唯有上網訂,預計11月下旬正式開售!
圖片及資料:Cospa
由Sony動畫製作嘅Netflix原創動畫電影《Kpop 獵魔女團(KPop Demon Hunters)》,將K-pop偶像、奇幻元素同韓國傳統文化巧妙融合,自6月20日上架後火速席捲全球。除咗破紀錄成為Netflix有史以嚟最多人觀看嘅原創動畫 ...
hobby
【影視】Netflix原創動畫《Kpop 獵魔女團》爆紅 官方正籌備兩部續集及考慮翻拍真人版
01 Aug 2025
為回歸《Dune: Part Three(沙丘瀚戰:第三章)》再演劍術大師Duncan Idaho,Jason Momoa近日親手剃掉留咗6年嘅濃密鬍鬚,並將整個過程拍低上傳到社交平台。 blockquote class="instagram-media" data-instgrm-pe ...
hobby
【影視】Jason Momoa為拍攝《Dune3》六年來首次剃鬚:該死的,我討厭這個樣子
01 Aug 2025