{ SKIP }
文:MenClub 魏文青  
POSTED ON 12 Nov 2015
唔知大家有冇追《高達》新番《鐵血的孤兒》呢?早排佢播第三集預告嘅時候,因為極受女Fans歡迎嘅男角「ガエリオ・ボードウィン」用咗隻Tiffany同款嘅茶杯黎飲茶,結果掀起咗一陣搶購潮,千幾銀港紙兩隻嘅茶杯套裝被人搶人斷哂貨。


不過文青今次介紹並唔係呢隻Tiffany杯。一來我其實冇睇《鐵血的孤兒》,二來我相信大家麻甩佬對Tiffany應該冇咩興趣。所以我轉為介紹由Bandai同Noritake出嘅「薩比家茶杯套裝」!


又其實呢個都唔係啲咩新系列啦。上年差唔多時候Bandai已經出過第一彈,當時就係以薩比家長子基連同細仔加曼為主題,分別出咗隻黑色同綠色嘅茶杯Set,仲有簽名添!啱啱推出嘅第二彈就係老豆湯金(Prince Degwin Sodo Zabi)、二家姐基絲莉亞(Kycilia Zabi)同悲劇男多茲爾(Dozle Zabi)三款,設計基本上同第一彈一模一樣,隻多茲爾版仲同加曼一樣都係綠色,唔睇個簽名真係分唔出邊隻打邊隻。

老豆湯金版係酒紅色

基絲莉亞版係紫色,仲係成個系列唯一一隻有「腳」嘅。

三仔多茲爾係綠色

同上年出嘅加曼版相比,除咗個簽名之外基本上係一樣

同樣係上年出嘅大哥基連版


《高達》薩比家族茶杯每套售價係係7776Yen(約490港元),買哂三套先千五銀。比你揀,佢揀佢定Tiffany?
機動戦士ガンダム ザビ家のティーカップ第2弾
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025