一發即中日本攝影師超強大煙花照

POSTED ON 24 Nov 2015

喺碌落去睇靚相之前，文青建議去睇一睇之前嘅「文青親身遊」。一來你會更加清楚究竟日本嘅花火大會係點樣嘅一回事，二來因為有我啲相做對比，你就知道「Takahiro Bessho (別所隆弘)」啲相有幾靚！

根據佢喺Lens Culture嘅自我介紹，別所隆弘乃係一個素人攝影師。佢雖然冇特別講到佢嘅正職係咩，但相信就係一個同寫作有關嘅職業黎(因為佢話當佢寫唔出嘢嘅時候就會去影相)。而佢嘅攝影題材通常就係佢嘅家鄉滋賀縣同京都。而佢嘅作品都拎過唔少獎，例如號稱「億中選10」嘅「東京カメラ部10選 2014」，攝影雜誌《御苗場》第15期嘅「觀眾賞」等等。至於佢拎獎嘅原因啦喎……好明顯啦？

以上呢啲相係佢喺今年嘅琵琶湖花火大會影嘅。最巴閉係佢聲稱冇PS、冇多重曝光，全部都係一下快門、一發即中。

另外佢亦有好多以大阪機場為主題嘅夜景，一樣咁夢幻！

利申先，文青眼殘，真心睇唔出啲相究竟有冇執過，不過佢既然咁講我就咁信啦－－啲女都係咁同我講架，我都信架！
圖片：Takahiro Bessho on 500px、