咁又唔係真係叫你拎個真Tenga黎插花。只係因為今年係Tenga創立十週年，所以佢就出咗一系列紀念產品，而近日推出嘅第九彈「典雅蒔絵漆塗花器」，長話短說嘅話其實就即係一個Tenga大小嘅花瓶。不過唔好以為佢求其掹走個Tenga內膽就當係新嘢拎出黎賣，呢個「典雅蒔絵漆塗花器」真係用咗日本傳統工藝「蒔絵」黎造架！

所謂「蒔絵」，其實即係用色粉(主要為金、銀)於漆器上繪畫嘅技術。由唐代開始傳入日本，後來再融入韓國嘅「螺細(即係鑲貝殼)」同越南嘅「粘貼」技術。由於整個工序都要以人手完成，所以非常耗時。