{ SKIP }
文:MenClub 魏文青  
POSTED ON 15 Dec 2015
又到年尾,又係時候做下啲咩年終結算。日本Oricon近日就公佈咗有關書籍銷量嘅排行榜,例如「純文學」類別嘅冠軍就係拎咗「芥川賞」、由搞笑藝人「又吉直樹」所著嘅《火花》(而第二名係《妖怪手錶》嘅官方攻略本…)。不過香港人應該會緊張漫畫類別多啲!咁就等文青同大家介紹下漫畫類別嘅頭十名啦!

第十名:《東京喰種トーキョーグール:re》 作者:石田スイ 推斷銷量:3758541

破格嘅吸血鬼之作。相信質素非常好嘅動畫版應該幫咗唔少忙。


第九名:《監獄学園》 作者:平本アキラ 推斷銷量:4058119

上榜係意料中事,不過只係排第九就真係有啲出乎我意料之外。


第八名:《テラフォーマーズ(火星異種)》 原作:貴家悠 作畫:橘賢一 推斷銷量:4188158

畀人鬧到爆嘅《火星異種》……睇黎日本讀者嘅身體都仲係好老實呀……


第七名:《食戟のソーマ(食戟之靈)》 原作:附田祐斗 作畫:佐伯俊 協力:森崎友紀 推斷銷量:4321830

原本嘅看點只係Tosh老師嘅「高潮」畫風,根本就當佢「肉番」黎睇。但睇下睇下又真係不得不佩服附田老師嘅故事,依家真係向「飲食漫畫」嘅方向前進!


第六名:《ハイキュー!!(排球少年)》 作者:古館春一 推斷銷量:6531508

熱血運動漫畫,再加些少腐元素,男女通殺銷量自己就唔錯啦!


第五名:《キングダム(王者天下)》 作者:原泰久 推斷銷量:8569215

文青認為目前最好睇嘅漫畫。以戰國時代為背景嘅戰爭漫畫,人設突出之餘,畫面亦相當有逼力!


第四名:《暗殺教室》 作者:松井優征 推斷銷量:8605861

《Naruto》完結之後登上《少年Jump》第二台柱之位,賣嘅完全係殺老師嘅魅力。不過近期故事發展到好似就黎埋尾啦!


第三名:《進撃的巨人》 作者:諫山創 推斷銷量:8778048

故事繼續係吸引嘅!但唔知係佢越畫越粗糙,定文青真係眼殘,我成日睇睇下認錯角色……尤其係淺色頭髮嗰啲真係似樣到呢……


第二名:《七大罪》 作者:鈴木央 推斷銷量:10304112

對好多人黎講應該係爆冷之作!但其實真係幾好睇架!


第一名:《One Piece》 作者:尾田栄一郎 推斷銷量:14102521

想知《One Piece》有幾好賣,只要你睇埋逐期計嘅銷量榜就知--頭四位就係《One Piece》第76、77、78同79期!


睇到呢個排名,真係令到文青好自豪--因為我全部都有睇呀!!我實在太有Taste啦!


人氣搞笑動漫《Keroro軍曹》事隔16年再度回歸,宣布明年再推全新劇場版動畫!今次仲請嚟ano同粗品攜手獻唱新主題曲,各位「愚蠢嘅藍星人」準備好出年入戲院未? iframe width="560" height="315" src="https://ww ...
hobby
【動漫】《Keroro軍曹》全新劇場版2026年夏季上映 ano聯手粗品獻唱主題曲
04 Jul 2025
由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025