{ SKIP }
文:MenClub 魏文青  
POSTED ON 21 Dec 2015

火滾…呀唔係…《火影忍者》不經不覺已經完咗半年,最後劇場版都一早完咗,呀岸本仲跳哂出黎話唔想再畫《火影》啦,想專心籌備下一部以科幻作主題嘅新作喎~你係咪同我一樣好天真咁信咗呢!?但近日《少年Jump》就宣佈黎緊一月會開始連載、以Boruto(慕留人)為主角嘅新作喎!



話說啱啱呢個週末,集英社就喺幕張MESSE舉行咗新一屆《JumpFesta》,當中除咗有不同活動畀粉絲們玩之外呢,仲有公佈咗唔少有關連載嘅情報(例如《銀魂》再一次進入完結篇)。當中就有《BORUTO-ボルト-》由一月開始正式連載嘅消息。不過!唔好鬧呀岸本住,因為睇返個製作名單,佢只係「原作監修」,實際故事同作畫分別由寫過《機動戰士 戰場之絆》、《劇場版Macross F》同《機動戰士高達AGE》等等小說版嘅「小太刀右京」、而及岸本嘅助手、曾經以《COSMOS》於《少年Jump》上連載嘅「池本幹雄」負責。睇個勢呢,就似係《Jump》想食埋個水尾,所以先開新連載啦。


《BORUTO-ボルト-》會由一月開始會以每月一話嘅方式連載。我就即管放長雙眼睇下佢又會玩到幾耐先!
Cinematoday.jp
早前有消息指出《Once Upon A TimeIn Hollywood》(以下簡稱《從》)將會開拍劇集版,電影版導演Quentin Tarantino負責劇本、並交由David Fincher執導,同時Brad Pitt亦會回歸出演,但另一主角由Leonardo DiCaprio是 ...
hobby
【影視】Leonardo拒演《從前,有個荷里活》劇集版 Netflix出天價300萬美金拍一日
22 Apr 2025
隨住依家由大人到細路都電話不離手、又成日對住部電腦,越黎越多人嘅視力出現問題,甚至有唔少人已經去到唔戴眼鏡就咩都睇唔清嘅景況。對佢哋黎講,沖涼時要除低眼鏡係一件非常麻煩嘅事,但唔除又會整濕副眼鏡,又或 ...
hobby
【生活】日本推「風呂眼鏡」 防霧防燙大受好評
16 Apr 2025