{ SKIP }
文:MenClub 魏文青  
POSTED ON 03 Mar 2016
細個嘅時候睇卡通,有兩個黃金時段,一個係3點幾播閃電傳真機之前,一個係5點播完閃電傳真機之後。其實仲有一段時間,喺播新聞之前都仲會再播多套卡通,而呢個時段文青最記得嘅就係《中華一番》呢套嘢。當年睇住劉昴星由一個豆釘進化成一個煮嘢食都可以拯救世界嘅特級廚師,又可以整出「麵非麵」、「慧星炒飯」等等比起「食戟」更令人高潮嘅嘢食,真係好令人滾動!你有冇諗過自己有一日都可以整出呢啲嘢食?今時今日你就有可能啦!因為台灣有餐廳同日本方面合作,推出咗料理包!


位於台南嘅「日芳珍饌」同《中華一番》推出官方合作限量組合,仲搵黎小川悅司老師繪畫特別包裝。之於啲料,就有「炸蝦醬汁組」、「黃金魚卵組」、「傳說靈鳥(烏雞)組」、「雞湯響螺組」同「龍蝦火鍋組」。售價由最平嘅750台幣(約175HKD)到3800台幣(約890HKD)都有。

早前小川悅司老師仲親身去到台灣到訪「日芳珍饌」添

圖片:小川悦司 on twitter


其中最有味道嘅當然就係「炸蝦醬汁組」。想當年阿星於「龍蝦三爭霸」的第二回合對上黑暗料理界嘅李嚴,廚藝高超嘅李嚴整出比完美更完美嘅炸蝦,但就因為唔夠時間整個醬汁,所以阿星連食都唔肯食就判佢輸(因為比賽規則係鬥快煮好)。連個料理包嘅介紹都仲笑緊佢!

animen.com.tw
Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員,不過或者就係因為佢哋太有性格,所以近日就傳出二人於《Avengers: Doomsday》嘅片場中炒大鑊,甚至要Marvel介入先平息事件。另一方面 ...
hobby
【影視】網傳RDJ與死侍於《Doomsday》片場炒大鑊 消息人士闢謠:「佢兩個都無見過面」
28 Aug 2025
1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025