{ SKIP }
文:MenClub 魏文青  
POSTED ON 10 Mar 2016
10年前由松山研一、藤原龍也飾演嘅《死亡筆記》電影,可以話係漫畫改篇成電影嘅少數佳作,而最重要嘅係佢為世人帶黎「戶田惠梨香」呢個靚女!佢飾演嘅彌海砂深入民心到上年日劇版搵F Cup水著女星佐藤ひなこ黎做都畀人鬧!可想而知佢喺《死亡筆記》粉絲心入面嘅地位有幾高!而近日公佈,戶田惠梨香會參演黎緊10月上映嘅新電影《死亡筆記2016》,10年後再演彌海砂!


《死亡筆記2016》的時間線同樣設為之前電影版的十年後,以原作曾經出現、但並無特別影響劇情的「六本規則(人間界同時存在的筆記本最多 6 本。死神自己所持有的筆記不算在內。另外、以將筆記讓人類所有為由,能滯留在人間界死神也最多6隻)」為主線,新角色會爭奪留落人間的六本筆記。而當年放棄咗筆記擁有權而失去相關記憶嘅彌海砂,原本係一邊以女演員身份活動、一邊思念著夜神月。但因為佢係唯一一個曾經使用過筆記但仍然在生嘅人,加上有夜神月與L的對戰記憶,就令佢捲入新筆記擁有者的戰爭之中。其他演員包括東出昌大、池松壯亮、菅田將暉及川榮李奈,導演為佐藤貴博。


話哂故事入面都過咗十年,MISAMISA當然唔會繼續著哥德衫啦!導演佐藤貴博都講過,今次想戶田帶黎一個成長咗嘅彌海砂,所以造型、服裝方面都會有唔同。戶田惠梨香早排仲偷偷喺Instagram問關於髮型嘅問題添!講開問題,其實我都好想問,當年彌海砂換咗兩次眼、同時又食咗兩個死神嘅壽命,佢有幾長命本身就好難計,但漫畫公式書甚至Wikipedia都話佢喺26歲,即係夜神月死咗年幾之後就死埋。依家電影就話佢起碼仲有十年命,咁究竟發生緊咩事呢?希望套戲都會交代下啦!
Cinemacafe






由James Gunn操刀嘅新DC宇宙首部作品《Superman:Legacy》,繼早前公布「超人」首張造型照後,近日網路上就流出多張片場照,揭露David Corenswet超人戰衣完整樣貌,唔少網民都認為塑膠感太重,大家又點睇呢? ...
hobby
【影視】《Superman:Legacy》片場照曝光 新超人戰服引熱議
26 Jun 2024
Apple Vision Pro雖然憑出色設計及強效硬件打響名堂,但礙於價格注定無法成為普遍性產品,所以一直以來都有傳聞指Apple將會「平價版」Apple Vision Pro,而「平喺邊」亦成為討論焦點之一。而近日《Bloomberg》嘅Mark ...
hobby
【科技】傳平價Apple Vision將要接駁iPhone或Mac使用
25 Jun 2024