網絡年代，無圖齋吹，往往被互聯網上各大大狠批，出埋啲「頭先喺Times Square見到個女仔，個胸勁大，至少有E級，樣ok，但無圖」咁嘅po，喺討論區以至WhatsApp Chat Group都係死罪，五雷轟頂，石刑宮刑犬決，迫擊炮侍候，身首異處係不在話下。

無可否認，圖片同影像嘅威力確實強大，但有時文字+幻想，殺傷力亦可以好得人驚，無論係WhatsApp、MSN、以至ICQ年代，都有唔少男男女女死喺對手嘅文字之下。

日本成人互聯網資訊好發達，你睇緊MenClub呢一刻，你手機Browser可能有另一個Window，同時喺度睇緊Movie Rush Japan嘅免費3仔4仔。不過，有時揸住部手機睇呢啲開心嘢，始終有局限，你同部iPhone，虛擬地同杉原杏璃喺東京都內某高級酒店「瞓晏覺」，本來係好開心，但一要搭飛機，上到飛機排排坐，唔通仲可以用手指捽住杉原嘅事業線？左面大媽啤住，右邊又有小朋友，跟住又畀人暗串教壞細路嘞，算！我淫我賤我熄機，我即刻叫細佬收皮，Many Thx。

喺日本嘅機場，一定會有書店，你可能喺呢啲書店見過啲袋裝size嘅甜故，封面老老土土，仲好有九十年代，甚至八十年代味，心諗：「Chiu，呢啲書畀阿叔睇嘅，呢啲嘢，唔啱我嘅」。實情係，呢類所謂官能小說，讀者年齡層面相當廣，大學生有，伯伯有，中年男人有，人妻、OL都有，更會有學習日語嘅外國人。

喺日本買呢類書，店員循例都會幫你用書店嘅紙套住封面，等你可以喺火車或飛機上慢慢煲，亦因甜故嘅字體唔大，除非有人八卦到唔要命，係都要啤到實，否則，根本唔會有人知你睇緊乜。

呢類書嘅售價約700至800日圓左右，題材都係嗰啲啦，人妻、後母、女教師、女學生、外母、姨仔、護士、女僕與主人、人鬼、未亡人、叔母、咩一泊兩食舊情人、社長vs處女Intern、暑假補習、亦有男男「hehe」系列，大致上都係同日本AV主流題材差不多。頁數由百零頁到200頁不等，視乎單元多少（約10個），部份附有少量單色插圖。一般嚟講，兩小時內可以速讀完畢，啱晒啲要喺日本國內出差，飛嚟飛去嘅打工仔，最正喺，睇完就掉落垃圾筒。呢類袋裝官能小說，自80年代中期開始喺日本各大空港嘅書店設有special corner，30年來歷久不衰，喂！所以你話淨係靠班叔叔伯伯，點撐得咁耐，梗係有班血氣方剛嘅新客啦！

睇完呢啲甜故，周身滾熱辣，總冇可能喪隊寶礦力伊右衛門，究竟有乜下文？最簡單，可能去飛機上嘅洗手間DIY（所以機艙洗手間嗰支空氣清新劑真係好有用，可以去咗啲腥味。），又或者，去到某某地方，做完正經嘢，或者喺做正經嘢之前，做啲愛情運動。

你實話，頂你，網都有得download啦，好多人都有呢啲創作，好勁架。嗱！唔好笑你，咁你真係未見識咩係真正超級無敵嘅甜故，出開trip或旅行，買啲英文或日文甜故見識吓，作者全部都好專業，包你大開眼界。仲有，部份專門出版成人官能小說嘅出版社，例如法國書院（フランス書院）已經一早有電子版，不過，畀現金買，睇完即棄冇留底始終安全啲，你知而家啲mobile device保安程度幾高㗎啦！