{ SKIP }
文:李羅渣  
POSTED ON 02 May 2016

圖片:FCbarcelonaonline.es


本來除咗德甲一定係拜仁慕尼黑贏梗之外,今季巴塞隆那喺西甲榜首一度領先次席馬德里體育會9分,本來都以為個聯賽冠軍好穩陣,點知國際賽後打咗段1和4負嘅劣績。搞到本來對西甲投咗皇家馬德里都有機會後上奪冠。西甲形勢無啦啦又緊張返。


圖片:Yibada


三隊入面,形勢最唔好嘅仍然係皇馬,事關佢哋近來都面對傷兵嘅問題,當中BBC入面,就傷左C朗拿度同埋賓施馬,而家要出動B隊嘅神射手馬約拿頂住先。領隊施丹話兩位主力一定可以復出主場對曼城嘅歐聯賽事。跟住再主場鬥炒完加利仔之後回勇嘅華倫西亞,又有少少暗湧,始終唔知佢哋傷好之後可唔可以咁快回復狀態。


圖片:eurosport.co.uk


至於馬體會,歐聯主場首回合就1:0小勝拜仁慕尼黑,聽晚 佢哋就要飛去德國作客。拜仁主場咁勇猛,輸住一球打出線機會都仲係好大。嚟緊兩場佢哋就對差唔多護級無望嘅利雲特同埋要爭前四嘅切爾達,尾場嘅聯賽都唔係易打。


圖片:eurosport.co.uk


巴塞仍然係最有機會贏西甲嗰隊,一來蘇亞雷斯呢排fit到好交關,二來歐聯佢哋又出咗局,相比其他兩隊可以話係以逸待勞;至於淨低兩場就對愛斯賓奴同格蘭納達兩隊護級球隊。好就好在爭標主導權仍然係自己度,只係皇馬同馬體會來勢洶洶,個壓力都好大下架。


李羅渣 (facebook page: https://www.facebook.com/leerogerfcpage/)

 

八十後、忠實曼聯球迷、唔忠實嘅愛華頓球迷、網台節目主持、Menclub足球文章作家、演員

由懶到出汁變成泰拳愛好者

除咗足球最鍾意就係睇戲、睇書、飲兩杯

唔求發大達,最想成為有些少生活品味嘅偽文青。


經典恐怖電影系列《恐懼鬥室》在2023年推出第10集《恐懼鬥室X》,難得喺爛番茄獲得正面評價並斬獲1.12億美元。片商獅門影業見勢頭好,亦即刻宣布開拍續集。不過,最近有消息指由於製片人之間出現拗撬,電影已擱置製 ...
hobby
【影視】消息指《恐懼鬥室11》因製片人內訌導致取消製作
18 Mar 2025
如果《John Wick 5》冇Keanu Reeves嘅話,仲能唔能夠吸引觀眾入場呢?
hobby
【影視】獅門影業確定製作《John Wick 5》 Keanu Reeves會否回歸仍然是謎
17 Mar 2025