圖片：Leicester City Football Club on facebook

隨住尋晚車路士2-2迫和熱刺，李斯特城就提早兩輪贏到英超冠軍，完成佢哋嘅神奇一季。可以見證到第六支取得英超嘅球隊誕生，相信各位都覺得好榮幸可以見證奇蹟發生。今季嘅李斯特城你認識佢哋幾多？

圖片：Independent.co.uk

領隊雲尼亞里喺執教生涯從來未贏過頂級職業聯賽冠軍，同李斯特城一樣，今屆英超錦標會係佢首個頂級聯賽冠軍。

圖片：Telegraph.co.uk

李斯特城今季最後一場英超比賽係作客對車路士，英超有不成文規定其他球隊當對上提早贏得英超冠軍嘅球隊列隊歡迎。雲尼亞里當年執教車路士被班亞巴莫域治睇死唔會贏到英超冠軍而被摩連奴取而代之。

圖片：Thepfa.com

馬列斯係第二位贏得英格蘭球員先生嘅非歐洲藉球員，而第一位係當年效力利物浦嘅蘇亞雷斯。

圖片：bbc.com

同華迪一樣，馬列斯打效力李斯特城之前一樣係效力低組別聯賽，佢之前喺法乙球會勒哈費爾，轉會費只係40萬鎊。

圖片：Mirror.co.uk

真禾特、丹尼森遜、馬菲占士都同樣來自曼聯青年軍，前兩者係今季主力，馬菲占士表現稍遜，但都有唔少上陣機會。另外隊中翼衛舒納普2013年亦曾經喺曼聯試過腳，但最後無加盟紅魔

圖片：Telegraph.co.uk

法國防守中場簡堤係今季英超首個取得100次攔截嘅球員，簡堤平均每場交出4.5個攔截亦係冠絕全英超。

圖片：Telegraph.co.uk

季初李斯特城雖然贏到唔少比賽，但亦有非常驚人嘅失球數字，首循環李斯特城就失咗25球，但次循環到現時為止只係失咗9球。

圖片：Dailymail.co.uk

雲尼亞尼季初承諾過如果球隊取得今季首場不失球賽事，就會請晒成隊食pizza，最後佢喺10月找咗數，不過當時成班球員都要自己落手整pizza。

圖片：Espnfc

今季李斯特城班費只係五千四百萬鎊，熱剌係佢哋三倍、阿仙奴係佢哋五倍、曼城係佢哋八倍，至於曼聯...係佢哋十倍。

圖片：Telegraph.co.uk

李斯特城轉會費最高嘅球員係阿根庭前鋒烏路亞，轉會費係一千萬鎊。

圖片：Theguardian.com

球季過咗一半時好多人覺得李斯特城下季應該會俾人拆骨，好難再回復今季嘅奇蹟。我就無咁悲觀，因為李斯特城班主維猜同旗下嘅皇權免稅都有一定財力，李斯特城可唔可以千秋萬世成為列強好睇佢有無心搞落去，不過我哋都仲要睇落去，而家球季都未完，仲係好難判斷嘅。

另外近來小弟見自己嘅文章喺Menclub反應都算唔錯，除咗齋like，唔少文章都有幾熱烈嘅討論，非常多謝各位支持。同時都希望各位可以like下小弟嘅fb page，除咗足球仲會有好多唔同資訊同大家分享，希望除咗Menclub都可以喺自己個page見到各位Gentlemen。

李羅渣 (facebook page: https://www.facebook.com/leerogerfcpage/)

八十後、忠實曼聯球迷、唔忠實嘅愛華頓球迷、網台節目主持、Menclub足球文章作家、演員

由懶到出汁變成泰拳愛好者

除咗足球最鍾意就係睇戲、睇書、飲兩杯

唔求發大達，最想成為有些少生活品味嘅偽文青。