「Black Mamba」有幾巴閉我就唔講啦，講返Figure本身啦！首先今次唔係一「隻」Figure，而係一「孖」Figure。因為一套入面分別有「Rookie Era(新秀時期)」同「Final Season(最後賽季)」兩隻1:6，除咗個頭同髮型有唔同，連件波衫都係跟足97/98年主場同15/16年客埸，號碼當然就係「8」同「24」。

配件方面除咗10隻手掌之外，仲有兩對波鞋一個波，肘帶膝帶袖套連襪都有，再加一金一銀兩個地台同一個明星賽MVP獎座！我覺得最應該買嘅人就係Kobe呀真係！