{ SKIP }
文:MenClub 魏文青  
POSTED ON 22 Aug 2016
砌嘢,不論係砌生物定死物(奸笑),都係男人嘅興趣之一。例如砌Lego咁,相信唔少人都好鍾意。但跟住個說明書砌Box Set係一回事,要你自由發揮咁砌一啲嘢出黎又唔係個個做到。而要好似呢位日本神人咁砌出一部高達來,就絕對係驚為天人!


日本神人「JAN LEGO」喺Lego界頗有名氣。佢精於以Lego砌出動漫、電影入面嘅角色、載具,大多都以機械為主。例如如果你有印象,今年年頭某啲香港傳媒都有介紹過一隻用Lego砌成嘅「突擊高達」,就係出自佢手筆。另外佢又砌過《鐵血的孤兒》入面嘅「高達巴巴托司」、《高達前哨戰》入面嘅「S高達」。既然係咁,今次佢砌出隻RX-78都唔係啲咩奇事!



呢隻LEGO高達嘅犀利之處,在於除咗個樣好似之外,四肢關節都有一定可動性。而且貌似都係用上「骨架+裝甲」嘅模式黎設計,係咪即係可以量產(心心眼)?



另外,啲靚相佢用黑地,大家就未必見到佢有幾大隻,但其實喺佢個Twitter到,佢就公開咗些少Making of,當中有幾張係佢自己用隻手拎住隻高達嘅相。睇返個比例就知隻高達其實好大隻,淨係頭加心口都有手球咁大個,成隻砌起恐怕都有兩尺高啦!難怪佢用咗個半月時間、每日兩個幾鐘先砌得掂啦!


又另外,佢近期嘅新作係「精神感應渣古」,我諗起個背包…要砌幾耐呢你估。
Jan_utyo on Twitter
由George R.R. Martin創作嘅《A Song of Ice and Fire》(冰與火之歌)係過去30年中最著名嘅奇幻小說系列之一,其改編而成嘅HBO劇集《Game of Thrones》亦曾一度佔據「神劇」位置。不過其實原著小說自2011年推出第五 ...
hobby
【影視】《Witcher》原作者表示同情G.R.R Martin 指《Game of Thones》劇集係新書拖延原因
02 Jul 2025
繼2015年《The Martian(火星任務)》大獲成功後,原作者Andy Weir所撰寫嘅另一部暢銷小說《Project Hail Mary(末日聖母號)》亦被搬上大銀幕。荷里活型男Ryan Gosling將飾演一名初中老師,為拯救人類獨自踏上太空 ...
hobby
【影視】科幻電影《Project Hail Mary》公開首部預告!Ryan Gosling為拯救全人類獨自上太空
01 Jul 2025