圖片：schweinstger on facebook

係呀！我又講曼聯呀，因為呢輪國際賽焦點就係小豬最後一次為國家隊上陣。呢位前德國隊長自從摩連奴執教以來就無運行，要淪落到同預備組一齊集訓，不過小豬並無好似其他球員咁自暴自棄，反而繼續保持正面積極嘅態度，令自己保持最佳狀態，呢個年頭，球員踢波唔係講錢就講盃，去到呢個地步仲有咁專業嘅態度，都唔知話佢戇居好定真係專業好。

圖片：schweinstger on facebook

小豬上季嚟到曼聯，因為年紀同埋傷病嘅問題令佢欠缺出場機會。今季摩連奴買埋普巴兼重要費蘭尼，小豬喺中場嘅上陣機會排得非常後，更係盛傳會被清洗嘅成員之一。摩佬對待被清洗球員從來不留情面，先清晒小豬個儲物櫃，再下放佢去預備組訓練。話晒都係球星，俾下面好喎，不過第一個出聲投訴嘅唔係佢本人，而係小豬哥哥，連拜仁慕尼黑主席路明尼加都出聲幫小豬護航，但小豬喺instagram交待自己現況時，豬仍然對曼聯表示忠誠，仲話除咗曼聯，唔會打任何歐洲球會。

圖片：schweinstger on facebook

表示忠誠唔係得把口，仲要係身體力行。小豬一樣做到，每次曼聯有比賽，如果係主場嘅佢會親身支持，如果作客嘅都會網上同球隊打氣，反映小豬仍然當自己係曼聯一份子。而且佢仲好關心年青球員嘅表現，雖然伊巴謙莫域向心力都好強，對年青球員都有正面影響，但對後輩循循善誘嘅小豬，對團隊都係不可劃缺嘅領導人物。

圖片：schweinstger on facebook

轉會窗過後，小豬最後都無離隊，本來有美職球隊想搵小豬加盟，不過美國轉會窗已經關閉所以未能成事。雖然摩連奴先前絕到以預備組需要俾年青球員吸收經驗，打算連預備組都唔俾小豬打，但係曼聯公佈英超註冊球員名單仍然有佢個名，只係曼聯中場而家人才輩出，相信要睇小豬上陣機會都好渺茫。

李羅渣 (facebook page: https://www.facebook.com/leerogerfcpage/)

八十後、忠實曼聯球迷、唔忠實嘅愛華頓球迷、前網台節目主持、Menclub足球文章

作家、演員由懶到出汁變成泰拳愛好者

除咗足球最鍾意就係睇戲、睇書、飲兩杯

唔求發大達，最想成為有些少生活品味嘅偽文青。