買唔到就自製 SD版百獸王扭蛋

文：MenClub 魏文青　　
POSTED ON 22 Sep 2016

相信好多男人細個嘅時候都試過，因為阿媽唔畀，或者根本就冇錢，所以買唔到某樣嘢。但你又真係好~~~~想要喎，於是你靈機一觸，決定自己整！到你大個有錢，發現好多嘢都可以用錢解決，你就好少再自己落手落腳整嘢玩——除非係用錢買唔到嘅，例如…一隻SD版嘅百獸王扭蛋？
圖片：胡宁炫 on facebook
唔知點解中國網友「清汽球(胡宁炫)」一直都好想要一隻扭蛋大小(約5cm高)嘅百獸王，而因為咁多年黎官方都冇出過一隻啱佢心水嘅，於是佢就決定自己整。本身都係模型高手嘅佢首先自己將百獸王SD化，再搵黎模型師「ZDModel」以膠板製作。最後整出三隻高5.3cm嘅SD百獸王，再加上塗色，完成度非常高。
圖片：ZDModel on weibo
係咪都好想要返隻呢？不過因為版權問題，要商品化就應該頗為困難，唯有繼續睇下「清汽球」嘅作品啦！佢就話下一次佢會挑戰15機合體啦！