妖刀再現! 日本「村正」妖刀展!

文：MenClub 魏文青　　
POSTED ON 03 Oct 2016

「妖刀村正」呢個朵，大家有睇過下日本動漫都應該略有所聞。但如果要你講「村正妖刀」妖喺邊，你又未必講得出。但如果有機會親眼見下，你又會唔會Feel到佢有幾「妖」呢？

所謂「村正」其實唔係一個人，而係位於日本桑名(今三重縣桑名市)嘅刀匠一送嘅名稱，同時佢哋打造嘅日本刀亦被稱為「村正」。而「妖刀」呢兩個字，相傳就係起源江戶幕府第一任征夷大將軍德川家康。傳說中佢阿爺「松平清康」、佢老豆「松平廣忠」、佢嫡男「德川信康」，都係死於村正刀下，連佢自己都曾經於關原合戰被村正所鍛造嘅槍斬親手指。結果嬲嬲地再加迷信嘅家康就將「村正」定為「妖刀」，並且禁止使用流傳。咁樣除咗令「村正」買少見少，「妖刀村正」之名亦越吹就越響，後來仲出現好多與德川家冇關嘅傳說添。

好啦，故事就講完，咁呢篇嘢實際上係做啲咩嘅呢？原來桑名市博物館目前就舉行緊一個「村正」展，展出咗全國收集返黎嘅二十把「村正」，其中幾把更加真係見過血！仲有一把黑血紅色嘅太刀更加真係「妖刀」咁嘅款！
其實只不過係上咗保護漆，同血係冇關嘅
呢個「村正」展會舉行到10月16日，對日本刀有興趣嘅你就可以去睇下啦。
Rocketnews24