{ SKIP }
文:MenClub 魏文青  
POSTED ON 27 Oct 2016
作為一個軍人,最重要嘅就係準時!所以有返隻靚錶係基本嘢!而如果你唔係一個普通軍人,而係來自自護公國嘅士兵,就更加需要一隻適合返你作為優越軍人身份嘅錶!唔啱就用你哋軍中嘅幾位明星級將領黎做主題呢?


由地球品牌Bandai推出,實際上就由日本廠商「Rhythm」製作,呢套「自護軍錶」總共有一套四款,其中三款係普通鋼帶,分別以「紅色彗星」、「藍色巨星」以及「黑色三連星」做主題。錶面亦分別係紅、藍、黑三色,配以自護標誌,另外秒針同三個小轉盤嘅配色都有唔同,除此之外基本上係一樣。值得一提嘅係錶盤外圍嘅時區除咗有一般地方名,仲有賈布連、加州基地、貝爾法斯特等等一年戰爭嘅著名地方。


而第四款就係黑鋼錶帶嘅馬沙版——咪先,啱啱咪有隻「紅色彗星」囉?但呢隻唔同架!真係好唔同!第一佢個錶面上嘅唔係自諼標誌,而係馬沙本人嘅標誌,另外就係支秒針係黑色嘅!接住落黎呢…就呢…冇啦…嗯…係囉,咪就係好大分別囉!


總之!作為一個自護軍人,你真係需要買返隻返黎戴下呢!售價係41040Yen,即係大約3065HKD左右。最快11月就出貨!
P-Bandai.jp
預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025