史上最大 Doraemon Mega開售

文：MenClub 魏文青　　
POSTED ON 25 Oct 2016

早幾日睇到日本版小夫嘅聲優肝付兼太因病過世嘅消息，你有冇諗返起當年睇《多啦A夢(當年仲係叫叮噹)》大嘅日子？如果有機會，你又想唔想自己嘅小朋友都可以有多啦A夢嘅陪伴長大？依家就有個好機會，因為香港Macott Station黎緊會推出史上最大，有成90cm高嘅叮噹公仔！屋企啲小朋友見到一定好開心！

呢隻「Doraemon Mega」用塑膠製造，高90cm左右，大約就同一個三、四歲嘅小朋友差唔多高，可能喺目前最大隻嘅民用商品。佢嘅兩隻手都可以活動，隨「貓」附送竹蜻蜓、記憶麵包同豆沙包，可以透過更換手部零件拎住，竹蜻蜓亦可以用磁石痴上個頭到。另外所有配件都可以收喺身體內部，可以算係好慳位……？

點都好，見到官方發佈嘅圖片，啲小朋友同呢隻多啦A夢好似玩得好開心咁，你又會唔會有衝動買返隻？「Doraemon Mega」將會於11月推出，預計售價為5800HKD。有興趣就留意Macott Station官網啦！