{ SKIP }
文:MenClub 魏文青  
POSTED ON 01 Nov 2016
上年日本就好興開動漫主題餐廳,但今年就好似冇咩點見到。但係佢哋一係唔開,一開就係男人都一定要去。點解?因為係《龍珠》三十週年主題餐廳呀!唔食都要去睇下啦下話?


為咗紀念動畫開播三十週年,由黎緊11月頭日開始,集英社就會同Tower Records合作,於渋谷、表參道同大阪開設三間期間限定Cafe,直到11月30日都會提供《龍珠》主題菜單。當中渋谷同大阪店會有「比達沙律(比達嘅日文名來自「蔬菜」的日文)」、有「死顏阿樂」喺面嘅「阿樂意粉」、以當年片尾曲為主題嘅「ロマンティックあげるよ」為主題嘅蛋糕等等菜式。而如果去表參道店,就會有「界王拳咖哩」、魔人布歐「我要將你變做糖!」甜品,「筋斗雲」班戟等等。另外亦會有「龜」字咖啡、七星珠咖啡添!


當然啦,去到呢啲位都唔會淨係食嘢架啦!三間鋪都都會有期間限定嘅紀念商品。首先係三間鋪唔同嘅杯墊(應該係叫嘢飲送嘅),Tote bag、T恤、水杯等等。雖然個設計就唔算好特別,不過如果你係《龍珠》迷,睇黎去到又要破財啦!


如果你想去「參拜」下,就要留意開店日期,因為表參道店同大阪店係今日(11月1日)開幕,但渋谷店係8號先開。而《龍珠》菜單就只會提供到11月30日。想去就襯快啦!

Tower Records
日前我哋同大家報導過,Disney因為流失大量年輕男性觀眾而慌忙應對,但其實大家都知Disney電影近年頻頻爆死嘅原因之一,就係佢哋太著重表達DEI(多元、平等、包容)議題,例如LBGTQ+等。近日著名Rapper Snoop Dogg接 ...
hobby
【影視】Snoop Dogg被《巴斯光年》同性戀場面嚇怕 「我孫仔問我點解,我唔識答」
27 Aug 2025
巴裔美國演員兼棟篤笑表演者Kumail Nanjiani日前在Podcast節目透露,當年佢答應出演《永恆族(Eternals)》超級英雄「金戈(Kingo)」時,就同Marvel簽咗6部電影合約,並以為會係自己未來10年嘅事業重心。點知電影上 ...
hobby
【MCU】《永恆族》失利前已簽6部Marvel電影 Kumail Nanjiani:還以為會是我未來10年的工作
25 Aug 2025