我同事Kay最近玩《Watch Dog 2》玩到上晒身,拎住部手機周街篤,望人又鬼鬼祟祟咁,當正自己係hacker咁。早前延期嘅PC版亦啱啱推出,遲到原來因為加入4K畫面,睇見trailer入面嘅畫面,你都會心動轉玩PC版!
最近身邊嘅朋友唔係《FFXV》就係玩《Watch Dog 2》,我同事肥Kay晚晚玩通頂。雖然兩部主機都各有支持者,但識玩一定係玩PC,咁先可以歎盡《Watch Dog 2》最靚畫面,事關新出嘅PC版(售價$398港元)就多咗「超高解析度材質包」同「額外細節」選項,而且仲冇FPS限制,畀你玩到4K超靚畫面,睇官方片入面嘅金門大橋景,真係靚到爆。