鍾意籃球嘅人，絕對唔可以錯過《Slam Dunk》，因為佢可以話係有史以黎最真實、最刺激、最熱血嘅運動漫畫；而鍾意漫畫嘅你更加唔可以錯過《Slam Dunk》，就憑井上雄彥老師嘅畫功、分鏡(打山王嘅最後一球40頁都冇對白，淨係用分鏡交代故事，堪稱經典) 、人設，根本就係獨一無二嘅經典作品。但《Slam Dunk》一直最令人婉惜嘅就係結局黎得太突然，當年甚至有人話係爛尾，仲傳井上老師過咗身。而之後老師創作嘅《浪客行》、《Real》等新作都陷入經常停載嘅輪迴之中，究竟點解呢？

NHK早年就為井上老師拍咗個紀錄節目，或者可以令大家更為了解呢位「活生生的傳說」。