{ SKIP }
文:MenClub 魏文青  
POSTED ON 16 Mar 2017

鍾意籃球嘅人,絕對唔可以錯過《Slam Dunk》,因為佢可以話係有史以黎最真實、最刺激、最熱血嘅運動漫畫;而鍾意漫畫嘅你更加唔可以錯過《Slam Dunk》,就憑井上雄彥老師嘅畫功、分鏡(打山王嘅最後一球40頁都冇對白,淨係用分鏡交代故事,堪稱經典) 、人設,根本就係獨一無二嘅經典作品。但《Slam Dunk》一直最令人婉惜嘅就係結局黎得太突然,當年甚至有人話係爛尾,仲傳井上老師過咗身。而之後老師創作嘅《浪客行》、《Real》等新作都陷入經常停載嘅輪迴之中,究竟點解呢?

NHK早年就為井上老師拍咗個紀錄節目,或者可以令大家更為了解呢位「活生生的傳說」。



《プロフェッショナル 仕事の流儀 「漫画家 井上雄彦」》係於2009年拍攝,當時係以《浪客行》即將步入完結篇(但截至目前為止都仲係連載中)嘅前題黎製作。入面講到井上老師係個鍾意挑戰、做「自己應付唔黎嘅事」嘅人,佢認為「因為係漫畫家就要不停畫漫畫」對佢黎講好冇趣,所以不停為自己搵挑戰。或者因為咁,所以先會有《零秒出手》嘅宇宙籃球、《Real》嘅輪椅籃球呢啲比較冷門嘅題材。而喺2000年代初,井上老師亦轉用比鋼筆難控制嘅毛筆黎作畫。


而佢亦認為創作係「孤獨」嘅,所以每個週末都會獨自去到咖啡店,由思索該話嘅名字開始,再到人物嘅思考、對白。井上老師形容「(人物)不是長期住在我身體內,所以我要去迎接他們,問他們『這樣好嗎?』然後等候他們的回答。」老師一個星期可能有一半嘅時間都係重覆緊呢一種孤獨嘅自問自答。老師認為創作最後只係「將自己嘅想法表現出黎」,所以亦只能自己去面對。有時亦因為創作嘅不順而如同小朋友一樣掉嘢唔畫,更加會玩失蹤,但到截稿當日依然會如常出現努力完成作品。


至於點解會拖稿,甚至長期停載,其實係同井上老師如何面對自己創作嘅角色有關。佢提到喺畫《浪客行》嘅其中一幕時,因為感受到小次郎不想出手,但被逼出手嘅痛楚,亦覺得如果自己再畫落去就只會延長小次郎嘅痛苦,連自己都迷失埋一份,於是感到厭煩,就無法再畫落去。

成個節目仲有對井上老師嘅心情有更加深刻嘅描述。如果大家想知井上老師究竟諗緊咩,就可以用一個鐘嘅時間睇下呢條紀錄片啦。
隨住《鬼滅之刃》最新一季「柱訓練篇」將於30日完結,故事即將進入最終篇章「無限城篇」,正當Fans們猜測最終大戰會以電視動畫還是劇場版呈現時,官方就疑似走漏風聲,意外曝光「無限城篇」將製成三部劇場版播出。 ...
hobby
【動漫】《鬼滅之刃》官方周邊曝「無限城篇」將製成三部劇場版播出
24 Jun 2024
曾為《機動戰士高達》阿寶、《聖鬥士星矢》星矢、《名偵探柯南》安室透等著名角色配音嘅古谷徹,早前被爆出與37歲Fans發生不倫關係長達4年半,甚至強迫對方墮胎並施以暴力行為,引起軒然大波。時隔一個多月,古谷徹 ...
hobby
【日本】古谷徹宣布辭演《名偵探柯南》安室透、《海賊王》薩波
24 Jun 2024