明明就係悟空隻太空船日本漂浮酒店

文：MenClub 魏文青　　
POSTED ON 18 Apr 2017

睇圖呢隻嘢，你諗起啲咩？我就即時諗起《龍珠》入面悟空坐去娜美星嗰隻飛船。但其實佢唔係一隻飛船，甚至唔係一隻「船」，而係日本一個主題公園新出嘅飄浮酒店！唔知喺入面訓幾晚會唔會練得成十倍界王拳呢？

位於日本長崎嘅「豪斯登堡(Huis Ten Bosch)」乃係一個以荷蘭為主題嘅主題樂園，入面除咗有仿照荷蘭官殿而造嘅建築物、風車、花圃之外，亦有其他歐洲風格嘅造景，所以多次成為電視劇、電影嘅拍攝場地。本身已經有四間酒店嘅佢哋上月就公佈會推出第五款，就係上面呢隻飄浮酒店。呢個總共有兩層嘅「波波」總面積有38平方米，可以容納四個人，睡房浴室一應俱全。
園內其他部份
最主要嘅賣點當然係喺海上面自由自在地飄，而且唔係漫無目的架！據知園方仲買起咗公園附近嘅一個小島，將會改建成渡假區。而啲波波每晚就會飄去呢個島，到第二朝一醒客人就可以享受島上面以AR為主嘅遊樂設施，好似入咗仙境一樣。之於價錢方面，一晚大約係260~330美金左右，即係2000~2600HKD左右。