極盡華奢 24K金雪地單車

文：MenClub 魏文青　　圖：互聯網
POSTED ON 25 Aug 2014

如果要你諗一樣用金造，而又好瘋狂嘅事物，你會諗起啲咩？有人話會諗起當年金X尊個金廁所，又有人話係北韓個金正恩(?)。兩樣唔岩心水？等我介紹返，呢部由「The House of Solid Gold」出產的24K金雪地單車你喜歡冇？

呢架黃金單車由著名極限運動家、橫越阿拉斯加的瘋狂單車賽「Iditabike」創辦人Dan Bull，與「The House of Solid Gold」的創辦人合力打造，以專門設計於雪地行走的「Fat Bike」為基礎，再在每個部件(除了輪胎、Seat位和少部份組件外)都塗上24K金塗層、Seat位是度身訂造的鱷魚皮、車前的盾章用上超過600粒黑鑽和500粒黃色藍寶石、連個水樽都係用金造再加鱷魚皮套，問你怕未？

我知睇得MenClub嘅大家一定係臥虎藏龍，依家一定有人係到諗緊「係囉，近排鐘意跺夜車但係又怕啲車睇我唔到一嘢炒埋黎，買左呢架嘢就掂啦，冇人會睇唔到啦」係咪？要買都好簡單嘅，只需要準備$1,000,000美金的銀行本票/匯票/直接匯款，就可以將呢部全球只有13架嘅24K金單車帶返屋企，其中仲有90%會去捐左去科學教添！都算係做善事呀！