{ SKIP }
文:MenClub 魏文青  
POSTED ON 17 Sep 2017
中國北京市經過歷朝歷代嘅發展,早已經係世界上最大嘅城市之一,不過由於早年(或者到依家都係)缺乏規劃,加上老城區舊化嚴重,所以好多後生就選擇搬去較新嘅城市外圈,但換黎就係交通時間變到極長。有建築公司就設計咗一種「插件家」,能夠依附於胡同中院里之旁,低成本之餘又善用空間,仲改善咗生活環境添!


北京「眾建築」為三十出頭嘅北京女子「小樊」於她老家嘅胡同院里起咗一棟「插件家」,主要物料係預製嘅5cm厚「插件板」,集防水、防潮、保溫、結構於一身,而且只係需要一把六角匙就砌得起。由於起嘅位置係雜亂嘅胡同,造出空間之餘又要唔好阻礙鄰居採光、通風就係一大學問,所以最後嘅成品睇落就頗為三尖八角,但入面都有一廳一房,仲有廚房同天台添。


據中國媒體報導,用「插件家」比起買樓平30倍,能源消耗亦少好多,加上位於北京市內,交通問題亦一應解決。而且本來胡同中冇獨立排污系統,只能用公共廁所,但插件家就有無水堆肥馬桶,連大小便嘅問題都解決埋。


雖然睇落去就頗有僭建嘅味道,但插件屋睇落都不失為一個非常有巧思嘅設計。如果香港都可以採用呢個設計,大家又會唔會容易啲有自己嘅蝸居呢?
眾建築 PAO
企業之間互相挖角人才並唔係咩新鮮事,不過將前東家嘅商業機密帶去新公司,就有違職業道德,甚至有可能被告上法庭。有外媒就發現Apple近日向美國加州法院入稟控告一名跳糟到Oppo嘅前員工「畜意竊取商業機密並透露予 ...
tech
【科技】前員工偷Apple Watch機密跳糟Oppo Apple入稟控告揭笨賊行為
26 Aug 2025
巴裔美國演員兼棟篤笑表演者Kumail Nanjiani日前在Podcast節目透露,當年佢答應出演《永恆族(Eternals)》超級英雄「金戈(Kingo)」時,就同Marvel簽咗6部電影合約,並以為會係自己未來10年嘅事業重心。點知電影上 ...
hobby
【MCU】《永恆族》失利前已簽6部Marvel電影 Kumail Nanjiani:還以為會是我未來10年的工作
25 Aug 2025