小羅拔唐尼(Robert Downey Jr)因為出演《Iron Man》而聲名大噪，最開心嘅除咗Eric Kwok，就緊係一班Fans。但係自從《Iron Man3》完咗，就一直有傳羅拔唐尼唔會再與Marvel合作拍攝新的《Iron Man》，亦即係話下年的《復仇者聯盟2：奧創紀元 (Avengers : Age of Ulton)》和2018年的《復仇者聯盟2 (Avengers 3)》就會是最後兩次由羅拔唐尼飾演Iron Man－－又或者唔係？

近日就有外國網站指羅拔唐尼即將落實出現2016年上映的《美國隊長3》－－放心，隊長都仲係Chris Evans做，羅拔唐尼係做返IronMan。

你可能會問，好地地IronMan做咩會出現喺《美國隊長》入面？係咪過下場客串下？當你了解《美國隊長3》的劇情之後就可知一二啦！

消息指《美國隊長3》的劇情將會圍繞Marvel世界著名的「英雄內戰」。漫畫中的「英雄內戰」是指因為一連串由超級英雄引起的意外，導致平民及小孩死亡的事件後，神盾局推出超能力者註冊法案（（SHRA），希望將英雄「規範化」。在此法案下任何有意在公眾前使用超能力的英雄都必需向政府註冊，收編神盾局(SHIELD)之下，接受訓練和約束。英雄們會像一般公務員一樣領取薪水，但同時亦必須聽從神盾局的指示，以及將自己的真正身份告訴上司。

一方面Iron Man認為事情已無何避免，亦認同英雄們要受約束而支持法案，並協助神盾局逮捕違反法案的人；另一邊廂美國隊長則因為拒絕逮捕反對者而被視作叛徒，結果被神盾局及Iron Man等追殺。其他英雄亦各自加入支持的陣型，最後演變成英雄之間的戰爭。

如果以上劇情沒大改動，即是Iron Man嚴格上會以奸角的形式出現在《美國隊長3》之中。又觀乎「英雄內戰」在整個Marvel世界中的重要性，相信往後可以衍生出更多作品，甚至全新的《復仇者》及《Iron Man》系列！

就咁睇黎，羅拔唐尼應該有排都除唔到套盔甲喎！