根據英國研究人員Chantal Cox-George及Susan Bewley於「BMJ Journals」上發表嘅最新研究「I, Sex Robot」，分析咗近年興起嘅性愛機械人是否一如假設(或宣傳)般可以協助安全地解決性需要、有性治療作用、減少性犯罪等等功效，發現最終答案係D：以上階非。

先講安全，有人願境性愛機械人能夠取代真人性工作者，為有需要人士提供一個更安全(冇病)嘅選擇，亦減少市場對性工作者嘅需要。不過研究就指以目前性愛機械人嘅發展，根本就無法保證機械人嘅清潔步驟、安全性，而要立例監管又會觸及更加敏感嘅「嫖娼無罪化」，換言之根本冇辦法確保機械人比真人更安全。而且亦有團體擔心此舉會助長物化女性，令人以為所有女性為咗都係解決性需要而存在。