又到聖誕，又到聖誕！12月尾必定有好多party等住大家去。當然要keep住個靚仔樣見人啦，不過好死唔死，暗瘡往往都係呢D時候先嚟煩住你！想KO佢哋又唔係無辦法嘅。

事岀必有因，要解決暗瘡問題當然了解其成因。咁到底暗瘡係點形成呢？主要係由於皮脂腺分泌油脂過盛，污物堵塞毛孔影響，細菌滋生等原因。不過亦會因外來的因素影響，例如精神緊張，睡眠不足，飲食習慣及不當嘅皮膚護理關係而引起。

【保持肌膚清潔】

暗瘡一直都係皮膚護理做唔好嘅後遺症，所以解決暗瘡問題當然做好正確嘅護理步驟，清潔，爽膚，保濕是常識吧！保持肌膚清潔減少面部油脂。另外選用護膚產品時亦都要注意，建議選用含有茶樹或過氧化苯成份嘅護膚產品，因為呢兩個成份都能幫助消炎抗菌，係暗瘡嘅天敵。

【排毒去油脂】

講到排毒去油脂，泥狀嘅深層清潔面膜當然唔少得，因為唔止可以防止分泌物同污垢阻塞毛，而且部分嘅深層清潔面膜仲有排毒坑痘功效。其次點解佢咁重要？因為深層清潔面膜仲係一款急救面膜，岀門前只要敷十至十五分鐘，有效令皮膚回復光澤，有時間嘅話，敷多個保濕面膜效果更明顯，咁就可以靚靚仔仔去party啦。

【唔好亂用女朋友嘅護膚品】

由於女性肌膚同男性肌膚名有差異，男性肌膚一般效為粗糙，油脂分泌效為旺盛。所以男士都係最好有一套適合自己膚質嘅護膚産品。唔好再亂用女朋友個套護膚品啦，一個唔覺意，用曬佢個套幾千銀嘅護膚産品，咁你今個聖誕唔只會多幾粒暗瘡，隨時仲多左五隻手指印。

【注意飲食】

好多人都識講「食少D煎炸油膩熱氣野咪唔會生暗瘡囉」呢個答案其實只係啱左一半，因為除左煎炸油膩熱氣野外，其實就連奶類食物，白麵包同白飯都有機會令暗瘡惡化。就例如牛奶及奶類食物，由於含天然荷爾蒙，有機會導致暗瘡産生，另外高升糖指數食物會令體內血糖急升，及令胰島素升高，導致皮膚分泌過量油脂而生暗瘡。

OXY快治5號暗瘡露

經臨床証實24小時見效，能迅速有效治療一般性暗瘡，能消除暗瘡細菌，消除溶解角質及皮脂，並能預防毛孔閉塞幫助吸乾多餘油份。

獅王PAIR藥用暗瘡膏

針對紅腫及化膿暗瘡。能有效地排出皮膚中的脂肪粒，殺滅細菌及消除紅腫。對於「生長形」嘅暗瘡，能抑制脂肪粒形成，並逐漸消除。對於「成熟型」嘅暗瘡，能夠釋出脂肪粒，從暗瘡根部進行治療。

The Body Shop 茶樹油

除茶樹成份外還包括蓖麻油成份，有助於治療真菌感染。建議使用爽膚水後，用棉花棒將茶樹油點係患處上。

Origins 特效暗瘡療液

蘊含多種草本成分，有效對抗、預防及治療暗瘡。水楊酸能迅速治療暗瘡患處；黃芩根、蘋果及青瓜萃取能淡化暗瘡印；咖啡因及紅海藻複合物則可紓緩鎮靜肌膚。

Aesop 甘菊去瑕敷面膜

主要成份含有洋甘菊，茶樹葉及高嶺土，當中洋甘菊，茶樹葉有助舒緩鎮靜暗瘡問題，高嶺土則幫助深層清潔。每星期兩次，敷全面或暗瘡位置上效果更佳。

LUSH 蒜子兵法面膜

蒜頭、高嶺土及具抗菌功效的茶樹有效鎮靜潔淨及消炎抗菌。成分仲有雞蛋及蜂蜜，能發揮修護滋潤功效。除左全面敷外仲可以局部敷係暗瘡問題嚴重嘅地方。