要數最令人尷尬嘅約會尷尬場面，一定係非口臭莫屬。唔止場面尷尬仲令形象大扣分。唔想俾口氣破壞約會氣氛，就要記住以下幾點啦。

【肚餓會口臭】

唔係講笑，肚餓真係會令到口臭。因為人體空腹時會消耗血液中嘅葡萄糖。係呢個過程中，好多身體嘅物質都會被血液代謝，從而令口腔氣味變得難聞。不過只要有正常飲食，又唔係解決唔到嘅。過有規律嘅飲食生活，咁就唔洗怕啦。 

【煙民要注意】

食煙就緊係臭啦，香煙中嘅尼古丁同其它有毒化學物質會在口中發酵。食煙不僅導致疾病，仲會造成口臭。就算係食左薄荷糖，都較難去掩蓋煙味，所以戒煙啦兄弟！

【腸胃問題 】

消化不良、胃酸倒流等問題都會影響口腔氣味。由於食物腐臭嘅異味會從胃腸產生，經過食道往上至口腔，形成口臭。另外，便秘亦會令體內嘅宿便、毒素未能及時排出，亦會造成口臭。

【口乾】

口腔唾液可以中和口腔內嘅酸性物質。如果口腔乾燥，會容易滋生細菌。另外口腔若沒有足夠嘅口水去沖走細菌，亦會引致口臭。所以記得一定要飲水，飲水，再飲水啦。

【重口味食物】

重口味嘅食物除左影響口氣，其實亦會造成體味。大蒜同洋蔥含有大量硫化物質及乳化物，容易造成口腔異味。酒精、糖果同咖啡也有刺激性氣味，會導致口腔乾燥，從而造成口臭。不過又唔係話唔俾你地食！只要識解決，食重口味嘅食物當然無問題啦。以下就有幾款産品可以幫到大家啦。

LUSH

薄荷漱口粒

細細粒嘅漱口粒，只要輕輕咬碎，再清水漱口，輕鬆保持清新口氣。可於任何時侯使用，帶岀街勁放便。而且含有新鮮嘅薄荷腦同胡椒薄荷精油，帶來冰涼清新感覺，另外亦含茶樹精油有助口腔抗菌。

LISTERINE POCKETPAKS® 

Oral Care Breath Strips

李施德林呢款Breath Strips只要放係舌上，再等待融化就可以。當中Breath Strips並不含仼何糖，而且能立即溶解。有效殺死99.9％的口臭細菌，為口腔帶來清新口氣。

Ora2口香噴劑

小林製藥 Breath Care除口氣珠

呢款産品其實係針對胃氣，從而改善口氣，特別係食太多重口味食物嘅時候，打嗝出來嘅味道特別難聞。佢就正正可以解決呢個尷尬場面啦。