夏天將至，每日都大汗耷细汗，就連腳板底岀汗情況亦加劇咗，腳臭問題係夏季簡直仲煩過女人呢大姨媽，大姨媽都只係呢一星期，腳臭係可以臭足成年臭足成季，想知道有乜解決方法，一齊睇埋落去啦。

【焗腳唔透氣】

部分打工仔每日因工作需要，都要穿著正式皮鞋，而部分正式皮鞋更係無透氣功能。每日做足八個鐘，隻腳就焗足咁耐。如果仲要將對鞋綁得緊一緊，咁只會減少皮鞋通風透氣，令雙腳容易形成異味。

【鞋襪質都會影響】

除了鞋嘅材質要注意外，長期保護雙腳嘅襪都要注意。市面上某D襪因為售價因素，可能會選用吸濕力同排汗性較差嘅人工纖維，而呢D襪只會令腳部汗水難以排出，俾細菌有機會不斷滋生，令腳臭問題越來越嚴重。

【缺乏腳部護理】

腳踭同腳底嘅角質容易增厚而每日都會更新，剝落嘅角質更係細菌嘅溫床，容易令細菌大量繁殖從而產生異味。所以腳部嘅護理絕對唔可以馬虎。

【飲食習慣都關事】

腳部是汗腺集中嘅部位，每日都會排岀大量汗水，而汗水成份中除了含有水分同鹽分，仲含有血液中嘅老廢物質。而呢D老廢物質正正同我哋嘅生活習慣有住密切嘅關係。例如飲食習慣，生活壓力等，都會影響排汗嘅異味。

【LUSH - T For Toes】

T For Toes除臭爽腳粉蘊含具抗菌功效嘅茶樹精油及具吸濕功效嘅馬尾草粉，能夠吸收腳汗或鞋中嘅濕氣。另外爽腳粉亦結合具吸濕功效嘅碳酸氫鈉同高嶺土，用法亦都好簡單只要係雙腳撲上少量爽腳粉，或直接灑係鞋內，就可以令雙腳回復清新舒爽嘅感覺。

【Foot Sense - Natural Foot and Shoe Powder】

使用100％天然氧化鋅、葛粉、檸檬油、肉桂皮粉、薰衣草及其他天然成分製造，有助中和鞋子氣味，消滅及預防細菌。亦都適用於所有鞋襪及運動裝備上。

【Gran's remedy】

Gran's remedy係紐西蘭嘅經典老品牌，無可否認包裝好似有D過時，但佢係網絡上卻好評如潮亦得到不少用家嘅支持。Gran's remedy亦都係一款爽腳粉，成份萃取自紐西蘭當地特有植物KawaKawa，其成分自古以來用來治療傷口及具有殺菌效果。而且亦經由實驗證實，能有效減少細菌增生，消除異味。