Netflix自家劇集《Stranger Things》一開播已經瞬速走紅，受到不少劇迷追捧，《Stranger Things》至今即將迎來劇集嘅第三季。劇集亦曾經聯同不少時裝品牌推岀限定産品，而今次亦終於聯乘合家歡嘅LEGO推岀限定模型，而且今次限定模型套裝收藏價值極高，啱曬一班大人同細路。

今次LEGO聯乘《Stranger Things》推岀嘅「Upside Down」套裝，由兩個部分組成，分別係現實世界同Will被困嘅Upside Down世界，而且套裝亦以第一季Wil嘅屋企做主要埸景，另外只要仔細觀察亦會發現套裝當中亦包含大量經典嘅場面，例如Jim Hopper同佢嘅警車，Joyce Byers同will溝通用嘅燈飾，Eleven手拎佢最愛嘅窩夫等，場景細節度極高每一幕都令人一秒入戲。

整套「Upside Down」套裝由2,287件LEGO組件組成，包括八位劇集核心人物。今次嘅最大買點當然係佢上下顛倒嘅組合貫串兩個世界，簡直就係還原劇中嘅世界，當然玩家亦可以選擇將兩組分開擺放。而「Upside Down」亦將於六月一號於網上開售及上架，《Stranger Things》迷千祈唔好錯過！