有研究指岀，氣溫每升高1度，肌膚油脂分泌便會增加10%，而夏天正是油脂分泌最旺盛嘅季節。大多數男士都認為夏天面部容易岀油更不應塗面霜，但這想法並非正確，因為若肌膚嚴重缺水，便會分泌更多油脂來保護皮膚，令岀油問題加劇。想要解決問題當然要由根源著手為肌膚補充水份。所以今日就同大家評測六款男士面霜，由肌膚保濕做起！

Biotherm 温泉強效冰感保濕啫喱

保濕啫喱面霜特點在於質感透薄，容易吸收及不黏笠，所以十分適合夏天早上時護理使用，既唔會為面部帶呢油光，更可以為皮膚提供一整日充足嘅水份。就例如Biotherm温泉強效冰感保濕啫喱能有效持續48小時清爽保濕，而且亦有冰感效果，令皮膚瞬間降溫帶來清爽冰涼感覺。

75ml / HKD$380

L’OCCITANE 香櫞果清爽煥膚保濕啫喱

「香櫞果清爽煥膚保濕啫喱」不但能夠發揮保濕及活膚功效，更有控油力能。一支保濕啫喱集多功能於一身，因為當中蘊含科西嘉有機香櫞果精華，能有助吸收過量油脂分泌及幫助肌膚恢復活力。同樣地保濕啫喱質感軟滑輕盈，能迅速被肌膚吸收，而且清新自然嘅果香香味，用完個人都醒神D。

50ml / HKD$295

CLARINS MEN 極效保濕啫喱

另外CLARINS呢支「極效保濕啫喱」除左透薄質感外，亦有冰感功效。當中內含野牛草成份，有效紓緩皮膚及抗倦作用，可鎮靜剃鬚後肌膚。除此之外亦有控油功能，減少夏天滿面油光嘅尷尬場面，而且亦適合不同膚質人士使用。

50ml / HKD$380

SHISEIDO MEN 全效活膚乳霜

來自日本嘅資生堂品牌，可能男士們都會係女朋友嘅口中有所聽聞，其實佢哋産品並非女生專利，資生堂亦有推岀男士護理系列，而産品功效更唔會吝嗇於女生系列。

系列中嘅全效活膚乳霜以24小時鎖水補濕及高效修護皮膚而名，有效回復皮膚活力，消除暗啞膚色及保濕。面霜質感水潤，能幫助皮膚長效補濕，個人認為適合晚間使用，防止睡眠時被冷氣抽乾面部水分。

50ml / HKD$520

THE BODY SHOP 茶樹補濕乳霜

THE BODY SHOP茶樹系列嘅産品一直都係佢哋嘅王牌産品，當中嘅「茶樹補濕乳霜」亦都十分適合男士夏天使用，因為佢嘅質感非常輕盈，塗上面唔洗兩分鐘就完全吸收，而且用後感覺並唔會覺得黏笠。當中更蘊含消炎功效嘅茶樹油成份，十分適合皮膚容易生暗瘡嘅朋友一試。

50ml / HKD$179 

ARMANI MEN 男士活膚保濕全效面霜

係男士護膚學呢講其實只有一個字，就係「快」。最好一支有曬所有功效，唔洗塗完面霜又塗眼霜又塗精華。所以市面上都推岀唔少全效面霜，就好似「ARMANI 男士活膚保濕全效面霜」可同時使用於眼部，有助減少眼部浮腫及黑眼圈問題。質感方面雖然佢係乳霜類型，但毫無油膩感覺，同樣適合夏天炎熱天氣使用。

50ml / HKD$510