咁好啦，假設你拎到一個最適合嘅假期，咁放假期間又做咩好？係去外國旅行，定留喺屋企煲劇好？研究就發現選擇去外國旅行嘅人，不論去嘅日數長短，係自評最準備好回歸工作嘅一群(雖然都只係得28%人表示「非常準備好」」)；反而放假邊到都唔去，留喺屋企嘅人之中，有超過一半都認為自己完全未準備好再返工。

換言之，如果你想放假放得舒暢，一係就短短地放一兩日小休一下，一係就放6日以上，而且儘可能出國玩，咁你放完返黎要返工都冇咁辛苦。放6日假去到嘅外國，大概就係日本、韓國、越南、泰國之類，唔怪得一直都係香港人旅行熱點啦。