自從政府宣佈禁堂食，相信大家呢排都要不停叫外賣，或者幫襯啲外賣APP。而根據有為餐廳提供配送服務嘅物流平台Zeek發佈嘅數據，自7月15日實施禁堂食後，全球各區嘅外賣單量都有明顯上升，但升幅最多嘅卻唔係晚飯時段。

圖片：Zeeks

Zeek現時為全港大約1000間食肆提供外賣配送服務，而根據佢哋由7月15日「禁堂食」實施後首7日，對比實施前三個星期嘅平均7日單量，全港外賣配送總單量由44,500張升至超過60000萬張，升幅達35%，其中單單係一個週末已經有30000張單。如果以地區升幅計算，最高升幅為荃灣區(58%)、中西區(53%)及元朗區(48%)。值得留意嘅係屬疫情「重災區」嘅黃大仙及觀塘升幅只有13%及15%，相信與當區人口老化，而老年人又唔會用網上點餐有關。

另外大家或者會以為政府禁晚市堂食後，晚市外賣會大幅增加，但原來日間外賣單量升幅更高，令日夜單量比率由3比7變為5比5。而日間當中又以下午茶單量升幅最高(48%)。每單平均消費亦由$100增至$150。

資料來源：Zeeks