台灣設計購物網站Pinkoi將與香港本地品牌紅A及雞仔嘜合作，推出數款聯乘之作，以支持Pinkoi舉行嘅「Pinkoi．香港嘢」主題月。

Pinkoi x 紅 A 聯乘・抽櫃 (HK$349)

Pinkoi將會聯同studiowmw，重新設計紅A及雞仔嘜嘅經典產品。其中與紅A聯乘推出常見於監獄電影嘅大膠杯，但就改用金屬藍及灰色增強質感，並使用更耐熱堅硬嘅膠，令佢能夠放入微波爐。另外亦有推出卡其色、放得落一對11號鞋、兼且可以堆疊擺放嘅塑膠櫃桶。兩者都用上包裝不浪費設計，膠杯嘅包裝可以拆成杯墊；而櫃桶嘅包裝就可以撕出幾個標籤

而與雞仔嘜嘅聯乘，當然就係出白色Golden Shell底衫，但就加入咗簡單嘅白色線條，並將洗衣符號搬咗上肩胛位置，令佢更有設計感。不過要注意嘅係件衫質地相當輕透。

以上聯乘產品除咗於Pinkoi網站有售之外，Pinkoi亦會將位於南豐紗廠嘅「Pinkoi SPACE」改造成「Pinkoi・香港嘢」主題店。店內除咗有以上嘅聯乘產品，仲有數百件本地品牌產品。有興趣支持香港本地品牌嘅大家就要留意啦。

Pinkoi SPACE 實體店

荃灣白田壩街 45 號南豐紗廠 307 號舖

營業時間：週一至週五：12:30 – 18:30，週末：12:00 – 19:00 (週二例休)