波神Michael Jordan做球員時打得最多嘅當然係籃球，但如果要數佢退役之後最錫意打嘅，可能係高爾夫球，而且佢仲鍾意到2017年就話想起個自己嘅高爾夫球場，不過就因為文件上有缺失而被佛羅里達州政府拒絕。事隔幾年，原來佢已經重新申請、而且仲已經批埋、起好。成品就係呢個「Grove XXIII」。

圖片：nbww

Grove XXIII位於佛羅里達州Hobe Sound，係一個18洞私人高爾夫球場，淨係個由nbww設計嘅主建築都已經佔地15,000平方尺，而球場就由Bobby Weed Golf Design設計。Grove XXIII之所以出名，除咗因為係Michael Jordan開嘅之外，就係近日有報導指球場會用無人機為用家們送啤酒、零食。

不過能夠親身體驗呢個球場嘅人就非常少，事關佢係一個極為高級嘅私人高爾夫球場，據知目前只有不足100名會員，而且只有受邀請嘅人先可以申請。

在 Instagram 查看這則貼文

Golf LA ⛳️????????????（@golf.la）分享的貼文