「Don Don Don Donki　Don Don Donki
驚安新殿堂　完全夢幻像我的家」

唔知廣東話版嘅DONKI主題曲入咗你個腦未呢? 唔知係咪因為無得去日本嘅關係，DON DON DONKI喺香港真係好受歡迎，本身佢入面嘅價錢絕對唔算平，但啲嘢都真係好齊，加上件件日本貨，又試問香港嘅市民點會唔喜愛。而去年10月已經放風會連開三間DONKI，繼中環及將軍澳之後，小西灣藍灣廣場嘅分店亦終於開幕。

今次小西灣新店以「四季」作為設計概念，佔地面積為20,279呎，雖然唔係全港最大，但卻絕對係小西灣附近重要嘅零售集中地。而今次呢間分店亦係DONKI首間分店加入「情熱食堂」，為市民帶來多款精緻日式食品。

不過大家要留意，今次呢間DONKI並唔係24小時營業的，所以小心白行一趟。