雖然話隨住加密貨幣市場近月表現不濟，令曾經「一街都係」嘅NFT熱潮稍為冷卻，但似乎一啲大品牌就依然睇好NFT嘅吸金能力。著名珠寶品牌Tiffany & Co. 近日就宣佈會推出品牌首個NFT，而且售價不菲！

The future is here and it’s called NFTiff.
8/5. 30 ETH. Discover more: https://t.co/8tXkzyJAv8 #NFTiff #TiffanyAndCo pic.twitter.com/P7bIMmVOaB

— Tiffany & Co. (@TiffanyAndCo) July 31, 2022

We’re taking NFTs to the next level. Exclusive to CryptoPunks holders, NFTiff transforms your NFT into a bespoke pendant handcrafted by Tiffany & Co. artisans. You’ll also receive an additional NFT version of the pendant. Learn more: https://t.co/FJwCAxw8TN #NFTiff #TiffanyAndCo pic.twitter.com/pyKlWejHv4

— Tiffany & Co. (@TiffanyAndCo) July 31, 2022

Tiffany & Co. 昨日於Twitter上發佈咗一條點陣圖影片，宣佈會於8月5日推出品牌首個NFT計劃「NFTiff」，並且公佈每個售價為30個以太幣，以執筆之時嘅現價去計，即係大約50,000美金、40萬港元一個。

而據Tiffany官網上嘅「NFTiff」介紹頁面，是次總共會推出250個NFT，而且只限另一著名NFT計劃「CryptoPunks」嘅持有者可以購買。實際上買家亦唔係買一個「NFT」，而係一個「叫Tiffany將你個CryptoPunks變成實體吊墜嘅機會」，只係整完之後佢會送返個同吊墜一樣樣嘅NFT畀你咁解。Tiffany指每個吊墜都會根據購買者持有嘅「CryptoPunks」NFT為藍本，再由Tiffany嘅珠寶設計師設計，並且一定會有不少於30粒寶石或鑽石。

When punks go wild at @TiffanyAndCo

#3167

Rose gold and enamel Cryptopunk.

Sapphire and Mozambique baguette Ruby glasses, yellow diamond round earring.

LFG! pic.twitter.com/M2c8AmwU0R

— Alexandre Arnault (@alexarnault) April 7, 2022

其實4月嘅時候，Tiffany就已經幫佢哋其中一名副總裁、同時係CryptoPunks持有者嘅Alexandre Arnualt，將佢持有嘅「CryptoPunk #3167」整做吊墜，同樣係以黃金做底再以寶石用點陣圖嘅方式重現CryptoPunks頭像。相信就係今次呢個「NFTiff」嘅起點。