好多年前，黃子華喺《末世財神》中曾經有一段講到為咗壓抑當時升到一萬蚊一尺嘅樓價，有人建議政府增加土地供應。當時黃子華就話：「乜原來香港仲有好多土地可以供應嘅咩？我圍住香港行一個圈，四圍都係海黎喎，浮浮下起唔到樓架喎……呀我知啦，啲地一定係政府收埋咗！喺政府合署七樓！」

十幾年後嘅今日，政府係咪仲有好多地收喺政府合署七樓就冇人知，唯一可以知嘅就浮浮下，都可以起樓嘅！

「The Floating Seahorse（飄浮海馬)」乃係杜拜豪華渡假酒店「The Heart of Europe (歐洲之心)」嘅其中一部份。簡單黎講，「歐洲之心」係六個以不同歐洲文化為主題嘅人工島，而「飄浮海馬」，就係飄浮於「St Petersburg」與「Main Europe」兩島之間嘅42艘三層高遊艇(因為嚴格上不能稱為建築物)。

三層結構中，最底一層嘅睡房同浴室會完全處於水底下，住客可以透過大玻璃窗欣賞海中嘅珊湖與海洋生物，更附有自家水中花園。中層位於水平面，設有廚房、飯廳、開放式起居室與露天空間；至於頂層就設有迷你酒吧與按摩浴池。