今時今日，大家都習慣用Whatsapp同Line與家人朋友溝通，又方便又即時又唔駛錢，真喺無乜理由要大家返轉頭，再次執筆寫信舒發心底話。

不過，就讀慶應義塾大學設計系嘅學生横井理子(Masako Yokoi)就唔認同，深信書信依然有價值存在，相比起現時流行嘅電子溝通方式，更加實在之餘，仲話俾世人聽，信仲可以著埋上身！你無聽錯，的確可以著起封信，將你/妳嘅心意貼身著住，因為，横井理子將一件望落去設計非常普通嘅恤衫，搖身一變，將佢變成為信紙。

衫身上已預留位置作寫信之用，只要寫上自己心意後，順著次序將它摺好（要跟吹摺疊順序先可以衫身上面文字收藏好），再於預備好的包裝上寫有地址收件人，最後貼上郵票，就真的可以寄出啦！

參考網站︰Crowd Monster