The Pawn

由舊時嘅和昌大押改建而成，樓高四層，舊式建築外表已經好吸引，仲加埋個露台俾客人走出去，欣賞對開灣仔電車路景觀。去年又再翻新，焦點落入二樓嘅Botanicals Bar，以及天台自家種植香草、蔬菜，自給自足。

Mott 32

座落渣打銀行底層，7500呎空間嘅裝潢格局幾似一所天主教堂，但又混合點點中式奢華佈局，餐牌菜式亦以廣東菜為主，再夾雜北京及四川風味。

Little Bao

食店內所提供嘅食物同佢店名一樣，就喺主打買唔同款式嘅小漢堡。外表雖然似漢堡，但餡料就用上大量中式元素，饅頭會夾住類似東坡肉物體，而最新主打就喺炸包夾雪糕，又熱又凍食落好過癮。

Aberdeen Street Social

現時，PMQ成為咗大家喺香港島方面嘅hea遊勝地，當然唔少得有幾間型格餐廳坐陣，Aberdeen Street Social喺其中一間，有bar亦有bistro，主打英國菜，唔止fish and chips咁簡單。

Tycoon Tann 大官廳

新鮮滾熱辣，剛剛今個月頭先開業，走嘅係新派中菜路線，由有廿年經驗，前文鼎酒家及龍璽酒家大廚吳震霈師傅主理，實有保證，一到周末食開all day breakfast嘅，不如今次轉channel嚟呢度飲茶啦！

Ho Lee Fook 口利福

開業蘇豪區嘅口利福，靈感源自1960年代，半夜時份位於紐約嘅中國城，主打當然又係食中國菜啦，不過就比較地道，起碼會整叉燒、鼓油雞，唔駛下下都做精緻路線。

Ping Pong 129

終於殺入西營盤，地鐵通車後，一定帶旺該區人流，新派食市應該陸陸續續出現，裝修格局有啲似舊式舞廳嘅Ping Pong 129只會係聚幕。

Armani/Prive

小編承認對於Armani/Prive入圍有啲驚訝，始終唔喺新鋪落地，不過佢擁有落地玻璃位置可以飽覽中環夜景，的確好適合周末時份，慰勞自己想去飲杯嘢嘅好地方。

資料來源︰mr.porter.com